رواية حنين الفصل الأول
احمد:هيكون فين فى الجنينه امبارح
هنا:اه ابدا ده انا كنت واقفه هناك وهو جه قالى انتى واقفه لوحدك ليه قلتله مفيش وسبته ودخلت
احمد:امم كده بس
احمد:اه هو فى حاجه ولا ايه
احمد:لا مفيش معدتيش تقفى لوحدك تانى سامعه
هنا:ح..خاضر
احمد:يلا سلام عايزه حاجه
هنا:لا سلامتك
احمد سابها ومشى ارتاحت لما مشى
هناوهى بتاخد نفسها: اه الحمدلله..
يالهوى افرض سأله وقالى انى كنت بعيط استر يا رب
_________
:حنين حنين
:اممم
:قومى انتى لسه نايمه ليه
ايه فى ايه اتخضت لما شافت...يتبع
:ايه فى ايه يا هنا
هنا:قومى بسرعه
حنين:ايه ماما حصلها حاجه
هنا:لا.. بس
حنين:بس ايه قولى..انتى هتنقطينى ايه الى حصل
هنا:احمد جه سالنى كنت واقفه مع حسن صاحبه امبارح ليه
حنين:ايه ده انتى وقفت معاه
هنا:ايوه وقلتله ان جه سألنى انا واقفه لوحدى ليه قلتله مفيش وبعدين دخلنا
حنين:امم طب ايه المشكله حايفه ليه
هنا:عشان هو مقاليش كده
حنين بخوف:امال
هنا:انا بصراحه كنت بعيط وقتها و..
حنين ضر@بتها كفها على راسها وهى بتبص لهنا بعتاب
حنين:تانى يا هنا تانى انا مش قلتلك ننسى الموضوع ده بقى وتشوفى وراكى ايه..وبعدين حصل ايه
هنا:ادانى منديل.. وكشيت فيه وبعدين سبته ومشيت
حنين بذهول:ده جزات الراجل ذن@به ايه بتز@عقيله ليه
هنا:الله وهو وماله بعيط ليه ويكلمنى ليه اصلا
حنين:صح هو غلطان الحق عليه انه قلق عليكى لانك اخت صاحبه وبيعتبرك زى اخته
هنا:ايوه مالوش دعوه...بس انا خايفه يقول احمد ان كنت بعيط مش عارفه هقوله ايه ساعتها
حنين:عادى قوليله انه من التعب
هنا بحذر:وهيصدق
حنين:الصراحه لا فإلحقى نفسك بقى
هنا ب@ذعر:ايه يعنى مش هتساعدينييي
حنين وهى بتحط ايديها على ودنها:بس خلاص اهدى هساعدك.. ويلا روحى شوفى محاضراتك
هنا:طيب وانتى قومى بطلى نوم سلام
حنين:سلام ياختى
___________________
حسن:صباح الخير
احمد:صباح النور
حسن بغمزه:ايه نموسيتك كحلى يعنى ها
احمد بتوتر:احم ليه يعنى
حسن بإستفهام:اصلها مش عادتك تيجى متاخر انا مش مصدق بصراحه
احمد:لا صدق يا اخويا وبعدين ايه يعنى اجى متاخر شويه الدنيا هتتهد
حسن بخبث:الله امال ده مكنش كلامك يعنى ها ايه الى غيرك فى مستجدات انا معرفهاش
احمد:طب خليك فى حالك بقى يا عم الحشرى
حسن:الله طب ليه كده اهون عليك متقوليش يا بيبي
احمد:ولا انا ابتديت اشك فيك ابعد عنى
حسن:ههه طب خلاص وليه الشك ده انا بهزر يا جدع
احمد بصرامه:اه انت كان ليك كلام مع اختى امبارح
حسن بتوتر:ايه..اه امبارح كانت واقفه لوحدها وانا روحتلها عشان انت عارف الشباب وكده
احمد:امم بس كده يعنى
حسن:اه يا عم مالك كده قلبت مخبر كده ليه اختك اختى يا عم ولا انت مش واثق فيا
احمد:لا واثق فيك بس بستفسر يكون السبب حاجه تانيه
حسن:لا متستفسرش مفيش خاجه تانيه
احمد:تمام يلا خد الملف ده حطه ضمن ورق المشروع
حسن:يا ابن الايه خلصته وكمان جاى متاخر عينى عليك بارده
احمد:استر يارب ههه
_____________________
عند حنين قامت من بعد ما هنا مشيت صلت وروقت البيت وكانت بتلبس عشان تنزل لحماتها بس تليفونها رن
:يا ترى مين لتكون حماتى
مسكت التليفون وهى بتبص على الاسم الى على الشاشه
وهى مذهوله
:ايه ده انا بحلم..ده احمد
التليفون فصل ورن تانى وهى بتبص للشاشه بذهول
:لا ده انا مبحلمش ده احمد بجد
ردت عليه
احمد: الو...الو حنين
حنين:ده هو بجد
احمد: انتى يا بنتى روحتى فين
حنين:ايوه انا هنا اهو
احمد:امال مالك طولتى على لما رديتى ليه فى حاجه ولا ايه
حنين:لا مفيش حاجه بستوعب بس
احمد: بتستوعبى ايه بقى
حنين: ان انت الى بترن عليا دلوقتى
احمد بضحك: ايه مش مصدقه
حنين:الصراحه لا.. اكيد بحلم
احمد:لا صدقى انا الى بكلمك دلوقتى بكلمك عشان.. وحشتينى
حنين: لا ده كده حلم 3D بقى
احمد:ههه مالك يا هبله
حنين:اصلك معملتهاش من زمان الصراحه لدرجه انى قولت رقمى اتمسح من عندك
احمد بأسف: انا اسف مكنتش بعرف اكلمك من ضغط الشغل بس تقدرى تقولى انى من النهارده اتغيرت تماما ولقيت انكم اهم من الشغل والشغل مش دايم الفلوس بتروح وتيجى بس انتى الى بقيالى صح
حنين خانتها دموعها وشهقات بكائها
احمد بخضه: ايه ده انتى بتعيطى
حنين: وهى بتمسح دموعها:لا
احمد:بتعيطى ليه يا حبيبتي زعلتى
حنين:لا ابدا مفيش حاجه..قولى بقى عايز تتعشى ايه النهارده
احمد: اي حاجه من ايدك حلوه تعرفى وحشنى اكلك
حنين:فى دى اصدقك على الاخر
احمد:هو مش وحشنى اوى يعنى ههه
حنين:كده طب اتعشى عندك بقى
احمد: لا خلاص احنا عايزين ننول الرضا
حنين: ايوه كده اعمل حسابك الى هعمله هتاكله وانت ساكت
احمد: حاضر يا معلم انت تؤمر اي اوامر تانيه
حنين: لا خلاص كده ركز فى شغلك
احمد: حاضر عايزه حاجه اجبها وانا جاى
حنين: لا يا حبيبي عايزه سلامتك..احم هتو حشنى
احمد: ايه..قلتى ايه
