دون حب بقلم سولييه نصار
المحتويات
بس محدش حاول يقرب مني ويسألني مالك.... الليل جه وكنت خلاص تعبت من كتر ما بكيت .... حسيت بحد قعد جمبي وهو بينهت... بصيت جمبي لقيت عمر... اداني منديل وقال
امسحي دموعك بقيتي شبه العفريتة.
مسحت دموعي بسرعة فقال
لما اتأخرتي برة جدي اتصل بيا وقعدت ادور عليكي زي المچنون ...
بصيتله بحزن فقال
عارف أن كلامي كان قاسې عليكي.. بس انتي برضه تصرفاتك مكانتش كويسة
لا كرمة بتعتذر... مش معقول حصل ايه في الدنيا
أنا مش وحشة للدرجادي.... الحياة خلتني كده
وكمان بقيتي عميقة لا... ما سبتك أربع ساعات بس اللي غيرك كده
كلامك
كلامي
أيوة كلامك .... كلامك حطني قدام الواقع... عرفت قد ايه أنا انسانة وحشة ومعنديش أخلاق... بس هي السبب... هي اللي عملت كده... دايما تقولي الفلوس كل حاجة.... وأن إلا معهوش فلوس هيتداس تحت الرجلين.... حتي هو سابني وراحلها عشان الفلوس
ماما
مالها!
هي السبب يا عمر أنت متعرفش حاجة... أنت فاكر أن اللي حبيته سابني وراح لصاحبتي... لا هو مراحش ليها... هو راح لماما
ايه
اللي كنت بحبه يبقي هو جوز ماما هي اتجوزته وعارفة إني بحبه وهو راحلها عشان الفلوس... عرفت ليه مش بتسأل فيا!! خاېفة ابوظلها سعادتها!!
عارف أنك مش هتصدقني بس أنا فعلا حبيتك... كنت بحب أبين أن الحب خرافة بس مقدرش أنكر إني تمنيت اتجوزك... كان نفسي تحبني بس للاسف قلبك ملك لواحدة تانية وأنا مقدرش افرض نفسي عليك أكتر من كده... أنا هكلم جدي واقوله إني رافضة اتجوزك وأنت اتجوز اللي بتحبها
سلمي مجرد صديقة أنا عملت كده عشان أدبك ابتسمت وقولت بخبث
بصلي پصدمة فقولت
متبصليش كده لأحسن أقع في حبك أكتر من كده يخربيت جمالك ده وقته.
يا بت اتلمي... انتي مشمتيش ريحة التربية
ما تكسب فيا ثواب وتتجوزني منها تلمني ومنها تأدبني شوية قبل ما اعملكم ڤضيحة
احترمي نفسك بقا
ما أنت اللي حلو يا عمر اعمل ايه يعني
ده انتي فعلا متربتيش
مفيش حد في عيلتنا اتربي اصلا... ربيني أنت
ضحك فضحكت
متابعة القراءة
