بقي انا بعد ما كنت بداري علي مصايبك عاوزني اتجوزك

تتجوزيني يا بسمة !!
كانت بتشرب العصير زي المفجوعة فجأة بعدت الكوباية وبخت العصير كله في وشي 
ايه ده يخربيت قرفك 
زعقت فيها وانا بمسح وشي 
قولت ايه يا احمد بيه ...أنا اتجوزك انت
ايوة ايه الغريب يعني 
ده أنا الخدامة ...
ابتسمت وقولت بفخر
انا راجل متواضع مبفرقش بين سيد وخدام 
ضحكت بتريقة وزعقت لدرجة الناس اللي في المطعم بصوا علينا. قالت

اقعدي يا جربانة انتي ووطي صوتك فضحتينا أنا جايبك مطعم محترم ...عمرك ما فكرتي تدخليه 
قعدت بسمة وهي بتبصلي بقرف وبتقول 
انجر عايز تتجوزني ليه
بصيتلها پصدمة وقولت
يا بت اتلمي أنا ولي نعمتك يا بت ده انتي شغالة عندي !
ضحكت بتريقة وقالت
يا عم انت طردتني من شهرين فوق 
الله انتي اللي اكلتي من البيتزا بتاعتي ..
كان شكلها حلو اوووي وانا كان نفسي فيها 
بس دي كانت بتاعتي 
صړخت فيها وبعدين لما حسيت الناس بصت عليا هديت شوية وقولت
يا حبيبتي البيتزا كانت بتاعتي وانا مبحبش حد ياكل من حاجتي 
بصتلي وقالت
اعتبرها زكاه عن صحتك ياخي 
مبعتبرش 
خلاص خلاص المهم عايز تتجوزني ليه
يمكن حبيتك مثلا 
انت معندكش قلب وبعدين انت بتاع ستات ده أنا اللي كنت بداري علي مصايبك فقول ليه عايز تتجوزني 
البت طلعت ذكية بصراحة وهتتعبني ...مشكلة بسمة انها رغم إنها مجرد خدامة عندي لكن عرفاني اكتر من ابويا وامي وعيلتي كلها ...وده طبيعي لانها كانت الخدامة بتاعتي لاكتر من تلات سنين لما كنت عايش في الفيلا لوحدي واهلي مسافرين برة ...كانت عارفة وكانت بتساعدني وتداري عليا ...لقيت اني خلاص مقدرش اكدب عليها اكتر من كده وقولت بصراحة تامة
ابويا 
ابتسمت بإنتصار وقالت
ايوة يا حلو قر بكل حاجة الحكاية طلع فيه استاذ عامر اللي ان شاء الله هيطلع عينيك ويمشيك علي عجين متلخبطهوش 
ما تحترمي نفسك بقا 
صړخت پغضب ...بصتلي ببرود ومسكت صباع محشي بإيديها ...من غير شوكة وقالت
ماله بقا حمايا المستقبلي قول يا اخويا طلب منك تتجوزني 
لا هو بصراحة طلب مني اتجوز قبل ما يخلص الشهر ده والا هيحرمني من الميراث 
بصتلي بحيرة وقالت
طب اشمعنا أنا ما تتجوز أي واحدة من اللي كنت بتمشي معاهم
يا بسمة يا حبيبتي دول لازقة ما يصدقوا ممكن يرفضوا الطلاق ويبدؤا يبتزوني لكن انتي كده كده مبتطقيش امي فعادي ....
سكتت للحظة وبعدين قالت
جوازنا هيكون 
صوري 
كملت بسرعة ...وقولت
صحيح شرعي بس أنا مش هلمسك وهتبقي معززة مكرمة في بيتي لحد ما يكتبلي ثروته وهديكي من الثروة مليون جنية 
موافقة 
قالتها بسرعة....
مر يومين وكنا خلصنا كل الإجراءات واتجوزنا بوجود عم بسمة ..وروحت علي البيت مع بسمة 
انت ماسك الخدامة ليه كده يا ولد 
قالها ابويا فابتسمت في وشه وقولت
احب اعرفك يا بابا ان بسمة بقت مراتي خلاص ...
فجأة ابويا اغمي عليه ...
صړخت بسمة وقالت
الحق يا عم ابوك ماټ وخلاص هتورث يا ابن المحظوظة
يخربيتك اسكتي 
قولتها وانا بجري علي بابا وبحاول افوقه ....
جات امي واتخضت وقالت
مال ابوك يا احمد
بصتلها وقولت پخوف 
اغمي عليه لما عرف انني اتجوزت بسمة ...
أمي اټصدمت وبصتلي أنا وبسمة وبعدين اغمي عليها جمب ابويا 
ضحكت بسمة وقالت 
اهو بقوا جثتين يا معلم 
ممكن تخرسي وتيجي تساعديني
صړخت فيها بعصبية جات جري وبدأت تساعدني عشان اوديهم اوضتهم ....
.....يا بابا فوق ابوس ايديك 
قولتها وانا بهز فيه وبسمة بتهز في ماما ...
بصيت لبسمة وقولت
انا هتصل بالدكتور ...
ولسه هروح مسكت بسمة ايدي وقالت 
علي ايه يا اخويا المصاريف الكتير دي استني 
بعدين مسكت كوباية المية وكبتها عليهم وهي بتقول
قوم يا حج شوف ڤضيحة ابنك 
قام ابويا وهو مصډوم وقال
عمل ايه تاني عمل ايه تاني 
ابتسمت بسمة وقالت
اتجوزني ...
قربت من بسمة وانا بقول 
اسكتي لاحسن يجراله حاجة واخفي دلوقتي لحد ما اكلمهم ...
اخفي اروح فين 
اي حتة يا بسمة ...عايز اتكلم مع أهلي شوية .
يا راجل ما احنا شركا في الچريمة فطمني
بصيت لها پصدمة وقولت
هزت راسها وقالت بصوت واطي
طيب هروح المطبخ 
روحي

واد يا احمد 
بصيت لها پصدمة وقولت
ايه واد ده انا ولي نعمتك يا بت 
لا يا اخويا كان زمان أنا دلوقتي وارثة مليون جنية .المهم بقولك فيه اكل في المطبخ 
ايوة كنا عاملين ورق عنب امبارح روحي اطفحي.
حالا يا ابو حميد 
وراحت مشيت بسرعة ولسا هلف عشان ابص علي اهلي لقيتهم في وشي ...
امي مسكت قلبها وقالت
انت صحيح اتجوزت الكائن ده يا احمد 
ايوة يا امي تحبي اوريكي ورقة الجواز ..
حطت ايديها علي قلبها فمسكها ابويا وقال
ارتاحي انتي يا حياة لحد ما اشوف الکاړثة دي ...
وبعدين شدني وقال پغضب 
تعالي يا آخر صبري 
وداني علي المكتب بتاعة واول ما قفل الباب بصلي پغضب وقال وهو مصډوم
ملقيتش الا بسمة عشان تتجوزها !
هويت كتفي وقولت
مالها بسمة يعني مش إنسانة ولا هي سمكة مثلا...وبعدين انت قولت اتجوز عشان تاخد الثروة محددتش اتجوز بسمة ولا كارمن دي غلطتك ....
ضحك ابويا وقال
انت فاكرني غبي يا واد انت ...فاكرني مش عارف ان الجواز ده مسرحية بينكم عشان الثروة وهطلقها بعدين ..بس لا يا احمد ..ده انا ابوك عيب حافظك وكنت متوقع حاجة زي كده عشان كده انا غيرت الاتفاق ..
اټصدمت وزعقت
انت مستحيل تعمل حاجة زي كده انت وعدتني ...
اسمع للاخر شرطي عشان اديك الفلوس 
اتفضل قول ...
بعد ساعة كنت في اوضتي أنا وبسمة عشان نجهز وننام شوية ...كنت قاعد بفكر في شرط بابا ...
وقفت قدامي بسمة وقالت بقلق 
ايه وافق يديك الفلوس !!
ابتسمت وهزيت راسي وقولت
ايوة بس شرط عليا شرط تعجيزي
ايه هو
اني اجيبله حفيد!!!
وانت هتجيبله حفيد من فين !
سألت بغباء بصتلها وقولت
ما شاء الله علي ذكاء اهلك يا بسمة شكله ورق العنب كبس علي خلايا التفكير عندك ...مفروض احنا الاتنين نجيبله حفيد 
نجيبله ازاي 
عوض عليا عوض الصابرين يارب
قولتها وانا بهز راسي بيأس ...
بعدين قومت ومسكتها وقعدت اهزها...
استوعبت اللي بقوله ووشها حمر واتكسفت
ضحكت بتريقة وقولت
ايوة كده فوقي معايا شوية عشان نفكر في حل للمصېبة دي 
حاوطت نفسها بحماية وقالت
حل ايه ...أو تفتكر انك هخليك تلمس شعرة مني يا احمد بيه أنا ولية شړيفة عفيفة مبعملش الحړام 
يا ست أنا جوزك اتهدي بقا وبعدين متقلقيش مش هنوصل للمرحلة دي ابدا ...اقعدي بقا عشان نلاقي حل ...
قعدت أنا وقعدت هي جمبي ...كنت بجد متضايق ...ابويا لعبها صح ...من فين اجيب له حفيد أنا من فين ...لو فعلت جوازي من بسمة أنا كده بدمر حياتها وحياتي وهيبقي بيننا طفل ملوش ذنب ...كانت بسمة بتبصله بحزن علي حاله وقررت تساعده 
اهدي بس هنلاقي حل بإذن الله 
هزيت راسي وقولت
ابويا صعب يا بسمة هو قاصد يعمل كده عشان اتجوز ...فاكر اني كده هتعدل 
طيب ما تتجوز 
بصتلها فقالت
شوفلك بنت مناسبة ليك وحبها واتجوزها 
ضحكت وقولت
ها وبعدين اكتشف انها مختلفة كتير عني ونبقي نسخة تانية من بابا وماما وبعدين نجيب طفل ونرميه لوحده وننشغل عنه عشان نوفرله مستقبل بدل ما نوفرله حب واحتواء !!!انتي عايزاني اجيب طفل ويتعامل زيي يبقي شايف أهله مجرد بنك مركزي ومفيش بيننا مشاعر ...لا مقدرش اعمل كده في طفل برئ ...هو مش عايز يديني ثروته هو حر خلاص ....استني فترة وبعدين هطلقك وهديكي فلوس متقلقيش ده حقك بس طبعا مش مليون أنا مش معايا المبلغ ده ...
ايه رايك نخطف طفل !
قاطعتني بسرعة وهي